Lance Raymundo balik-TV, na-awkward sa rape scene nila ni Ariella Arida
Lance Raymundo
BALIK-TELEBISYON na ang actor-singer na si Lance Raymundo matapos ang sunud-sunod nitong pagho-host ng mga international beauty pageant.
From Miss Teen International in Cambodia, Miss Teen Universe in Colombia to Miss Universe India, maituturing nang world-class host si Lance kaya naman in-demand siya ngayon sa mga international events.
Recently ay bumalik siya sa kanyang first love – ang pag-arte. Nakapag-guest si Lance sa “Lolong Season 2” sa GMA 7 na pinagbibidahan ni Ruru Madrid.
Sa naturang serye ay ginagampanan niya ang role ng isang mayamang gang leader na tinangkang gahasain ang karakter ng beauty queen-actress at host na si Ariella Arida.
“Buti na lang at hindi naging awkward ang scene kasi siyempre, beauty queen si Ariella tapos rape scene. But it was executed well kasi magaling si Direk Rommel (Penesa).
View this post on Instagram
“And of course, sa fight scene ay si Ruru ang kaharap ko who was really professional kaya smooth ang naging shoot,” pahayag ni Lance.
Pero ang ikinatutuwa talaga ng binata ay ang paglabas niya sa Kapuso drama anthology na “Tadhana” na “Mother’s Love” episode (currently airing). Challenging daw kasi ang role niya dahil maaksiyon din ang kuwento.
“Pulis ako sa story pero ako rin pala ang nagpapatakbo ng drug operation gamit ang mga students.
“Tapos may scene na natunton na kami ng mga kapwa ko pulis. and I had to jump from the balcony! May barilan at habulan scene pa, so exciting talaga,” kuwento pa ng aktor.
Nag-enjoy nga raw si Lance sa mga eksena niya lalo pa at magagaling ang mga kasama niya sa programa tulad nina Sheryl Cruz at Richard Quan.
Feel nga raw niya ang mga action scenes kaya sana ay masundan pa. Say pa ni Lance, nasa 2 million views na rin daw ang eksenang nilagay niya sa TikTok kaya mas lalo siyang natuwa.
Hindi lang balik-TV si Lance kundi balik din siya sa original niyang talent manager niya na si Charlotte Dianco na isang filmmaker.
Ayun nga kay Lance ay may dalawang movies na rin siyang naka-line up na magsisimula ang shooting after the elections.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.