Marjorie naka-bonding, nakachika ang ex-partner ni Dennis na si Linda Gorton
PHOTO: Instagram/@marjbarretto
MARAMI ang nagulat nang magsama at mag-bonding ang dalawang ex-partners ni Dennis Padilla na sina Marjorie Barretto at Linda Marie Gorton.
Kung si Marjorie ay dating asawa ng actor-comedian, si Linda naman ang Pinoy-Australian na ex-girlfriend ng huli.
Sa Instagram, masayang ibinandera ni Marjorie ang masayang pagkikita nila ni Linda na tinawag pa niyang “beautiful friend.”
Kitang-kita ang genuine na smiles ng dalawa, habang magkasamang naka-pose sa isang restaurant upang ipagdiwang ang kaarawan ni Linda.
Baka Bet Mo: Marjorie sa mga kapatid ni Dennis: ‘Grabe kayo, alam niyo ‘yung ginawa sa akin!’
Super sweet din ang naging mensahe ni Marjorie para kay Linda:
“Happy Birthday to my beautiful friend Linda. Its been wonderful getting to know you. Our late night 2 hour FaceTime calls are never enough. Can’t wait to see you at the end of May. Let’s celebrate our birthdays together!”
View this post on Instagram
Nag-reply naman diyan ang ex-girlfriend ni dennis upang pasalamatan ang kabaitan ng batikang aktres.
“This is so sweet of you Marj,” bungad ni Linda sa comment section.
Aniya pa, “True, we always have a good laugh and meaningful conversations… Hugs and kisses to you and the kids. And yes, let’s celebrate soon.”
PHOTO: Screengrab from Instagram/@marjbarretto
Hindi pa malinaw kung kailan nagsimula ang friendship nina Marjorie at Linda, pero mukhang solid na agad ang connection nila.
Matatandaang noong April 2024, naging usap-usapan si Linda matapos niyang pabulaanan ang mga pahayag ni Dennis na nagbibigay umano ito ng suporta sa kanilang mga anak na sina Gavin at Maddie, at may co-parenting setup pa raw sila.
Samantala, si Marjorie naman ay matapang ding naglahad noon ng umano’y physical, verbal, at emotional abuse na naranasan niya sa kamay ni Dennis noong sila pa ang mag-asawa.
Ang rebelasyon na ito ay kasunod ng pagtatanggol niya sa kanilang mga anak na sina Julia, Claudia, at Leon Barretto matapos umani ng batikos kaugnay ng pahayag ni Dennis na tila itinuring lang siyang “visitor” sa kasal ni Claudia noong Abril.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.