Ethan David ng GAT may nilinaw sa viral video: ‘I was the 13 year old’
PHOTO: Facebook/Ethan David
AKO yung 13 years old, hindi ibang tao.
‘Yan ang naging paglilinaw ni Ethan David, miyembro ng P-Pop boy group na GAT, kaugnay sa viral video kasama ang BINI members na sina Jhoanna, Colet, Stacey, at internet personality na si Shawn Castro.
Naglabas na ng paumanhin ang lahat ng nasangkot sa naturang video, ngunit muling naglabas ng pahayag si Ethan upang linawin ang mga espekulasyon sa social media.
“Over the past few days, I have been receiving a significant amount of hate across social media platforms, which has taken a toll on my mental health. It is painful to see false narratives being spread especially ones that affect not only me but also the people close to me,” sey niya.
Baka Bet Mo: BINI, iba pang Pinoy achievers pasok sa Forbes ‘30 Under 30 Asia’
Paliwanag pa niya, “The joking comments heard in the video led to a misunderstanding that I was grooming a 13 year old. In reality, I was the 13 year old being referred to.”
Ayon sa kanya, ang tinutukoy sa kanilang kwentuhan ay ‘yung panahon noong siya’y nasa Canada pa at nakaranas ng “puppy love” bilang isang batang teenager.
Dagdag pa ng GAT member, wala siyang naging relasyon kailanman sa menor de edad at mariin niyang tinututulan ang ganoong klaseng pag-uugali.
“I have always been firmly against it. The accusations being made are not only baseless but extremely damaging,” giit niya.
Bagama’t masakit umano sa kanya na ibahagi ang pribadong bahagi ng kanyang buhay, napilitan siyang magsalita upang malinawan ang publiko.
Sambit niya, “Again, I apologize to those who were affected by this issue, especially my friends and family.”
“I understand that I made a mistake and I will carry this experience moving forward with greater awareness and respect,” aniya pa.
View this post on Instagram
Magugunitang nag-top trending sa X (dating Twitter) ang “Colet,” “Blooms,” at “BINI” nitong buwan lamang.
Kumakalat kasi sa social media ang isang video na makikitang nakaupo sa isang couch si Jhoanna, habang nasa harapan niya sina Ethan at Shawn na tila nagkukulitan at pabirong nagbebembangan.
Maririnig pa sa background ang tila boses daw ni Stacey na ang sabi habang tumatawa, “Ganyan ginagawa niya kay Ashley…Sinasabunutan.”
Hirit naman ng isang babae na hindi kita sa video at ka-boses daw ni Colet, “Oo, 13 years old.”
Tapos ang sagot naman ni Jhoanna, “Ah, 13 years old.”
Hindi malinaw kung sino ang tinutukoy na Ashley sa video, ngunit ang espekulasyon ng netizens, siya umano ang 13 years old na dating naka-date ni Ethan.
Dahil sa nangyari, sila ay binaha ng mga pambabatikos at karamihan sa fans ay nadismaya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.