Vice Ganda binatikos dahil sa pag-endorso kay Benhur Abalos
Eleksyon 2025 - Bandera May 06, 2025 - 04:56 PM
TILA hindi nagustuhan ng ilang netizens sa ginawang pag-endorso ng Unkabogable Star na si Vice Ganda sa senatorial aspirant na si Benhur Abalos.
Kamakailan ay nag-post ang “It’s Showtime” host sa kanyang social media pages ng kanyang pagsuporta sa dating Department of the Interior and Local Government (DILG) secretary.
“Kesa naman ‘yong mga walang kuwenta ang pumasok sa Top 12, dito na ako #1 Abalos, Benhur,” mababasa sa video post ni Vice.
Hindi naman napigilan ng madlang pipol na mag-react sa ginawang pag-endorso ng komedyante.
Baka Bet Mo: 11.7M napanood pag-endorso ni Vice Ganda kay Benhur Abalos
View this post on Instagram
“ay bahala ka diyan vice ganda.”
“Trabaho lang daw mga boss [laughing emoji]
“Pass po muna, Vice.”
“Sorry meme, BIG NO!”
Sa kabila ng mga natanggap na komento ay tahimik pa rin tungkol sa pangyayari si Vice.
Samantala, nagpasalamat naman si Abalos dahil malaking bagay ang ginawang pag-endorso sa kanya ng Kapamilya star.
“Sa mga huling araw ng kampanya, hindi po natin akalaing makatatanggap tayo ng ganito kalaking suporta. Maraming salamat sa nag-iisang unkabogable, Vice Ganda!
Taos-puso akong nagpapasalamat sa tiwalang ibinigay mo. Pangako, iingatan at susuklian ko ito ng tapat at solidong paglilingkod sa Senado!” saad niya sa kanyang Facebook post.
Bukod kay Abalos, nagpahayag rin ng suporta si Vice kay Atty. Kiko Pangilinan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.