Kris tawang-tawa sa edited video nila ni Bato: Idinamay ko pa ang Holy Spirit!
Kris Aquino at Bato dela Rosa
AMINADO ang Queen of All Media na si Kris Aquino na miss na miss na niya ang dating “Krissy” makalipas ang ilang taong pakikipaglaban sa kanyang mga karamdaman.
Sa kabila ng pinagdaraanang pagsubok kaugnay ng iniindang mga autoimmune disease, nagagawa pa rin naman daw ng award-winning TV host-actress ang tumawa.
Muling nagbahagi ang dating entertainment editor at malapit na kaibigan ni Kris na si Kuya Dindo Balares sa kanyang Facebook account ng ilang detalye tungkol sa buhay ngayon ng iconic TV host.
Sey ni Kuya Dindo sa simula ng kanyang FB post, “May happy moments din sa bonding namin ni Kris Aquino nang dumalaw ako sa kanyang tinitirahang beach resort.
“Cute ang ngiti ni Kris habang may pinapanood sa celfone pagsungaw ng mukha ko sa pintuan ng room niya, para sabihing luto na ang ipinaglambing niyang chicken curry,” pagbabahagi ng confidante ni Kris.
Isa raw sa napagkuwentuhan at pinagtawanan nila nang bonggang-bongga ay ang viral video ni Sen. Bato dela Rosa na ikinabit sa isa niyang lumang video sa Internet.
View this post on Instagram
“May nagpadala pala sa kanya ng viral video ni Sen. Ronald Bato de la Rosa na binabanggit nitong, ‘I am not a lawyer, nag-iisip lang. I am just guided by the Holy Spirit.’
“Dinugtungan ito ng lumang clip na sinasabi naman ni Kris na, ‘I’ll wait for the Holy Spirit to guide me. Idinamay ko pa ang Holy Spirit!’ Sabay tawa sa sarili.
“Aliw na aliw si Kris, at nakakahawa ang masayang reaction niya sa video.
“Pinag-usapan namin ang spontaneous na pagtawa niya sa sarili.
“Pero hindi doon natapos, kasi hanggang nakauwi na ako, tuloy ang usapan namin sa chat tungkol sa viral video.
“Kagabi, chat niya: ‘You were asking me what i believe sets me apart- it’s because i can laugh at the weirdest things that come popping out of my mouth.
“‘When you can laugh at yourself, winner ka na because having the ability to take life and all its quirks is what keeps one from getting too full of herself. My mom and dad had that. And thank God i also inherited it.'” ang chika pa raw sa kanya ni Kris.
Pagpapatuloy ni Kuya Dindo, “This morning, bitter-sweet na ang aming usapan:
“‘I read the comment of the one who posted Sen. Bato and interspersed it with me saying i’ll wait for the Holy Spirit to guide me.
“‘The one who uploaded said: Nakaka-miss si Krisy.
“‘Tinamaan ako, kuya Dindo. People do not realize how much i miss the old me…
“‘But i am human and it hurts so much.’
“Natulala na lang ako, ‘di malaman kung ano ang isasagot,” sabi pa ng dating tabloid editor.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.