Jessy feeling baguhan sa pagbabalik telebisyon, babandera sa ‘Sins of the Father’
Jessy Mendiola with ‘Sins of the Father’s cast_20250614_081933_0000
“BAGUHAN,” ito ang natawang sagot ni Jessy Mendiola sa tanong kung anong pakiramdam sa muli niyang pagbabalik serye sa “Sins of the Father.”
Ginanap ang special screening at mediacon ng TV series noong Biyernes, June 13, sa Cinema 11 Gateway Mall 2, Araneta City.
Sa pagpapatuloy ni Jessy, “Almost 6 years din kasi akong nagpahinga tapos hindi ko po akalain talaga na babalik pa ako kaya I’m very grateful. Actually, naninibago pa po ako kasi first big event ko ito sa showbiz after almost 6 years.
“Kaya nga I’m very grateful kina direk kasi inaalagaan nila ako sa set (ganda ng mga anggulo ni Jessy), the production and staff and even my co-actors kasi alam nilang first soap (series) for a very long time.
Baka Bet Mo: Luis todo suporta sa TV comeback ni Jessy, Peanut endorser na kasama ang ina
“Inalagaan nila ako sa mga eksena, they were very accommodating sa mga concerns ko, questions ko, so, kaya I’m very grateful, I’m nervous and excited in what in store for me sa pagbabalik ko.”
Hindi pa ini-reveal ni Jessy kung ano ang karakter niya na hindi rin mahulaan ng mga dumalong media at vloggers sa special screening ng “Sins of the Father” at aminadong hindi pa niya nagampanan ito mula ng mag-artista siya.
Kaya challenging daw sa kanya ang role niya, “Actually ito ang nagpa-yes din sa akin para tanggapin ang project and I’m very grateful tulad nga ng sinabi ko kanina inalagaan ang role ko kung paano umarte.
“Siguro ang pinaaka-challenging is iwanan ko ‘yung anak ko sa bahay (natawa), mas ‘yun kasi siyempre when you’re a mom hindi ka 100% sa trabaho mo kasi parati mong iniisip ‘yung anak mo sa bahay, pero parati naman akong bumabalik sa trabaho kasi nga kasi naalagaan ako ng mga kasama ko kaya gusto kong ituloy-tuloy ito.”
‘Sins of the father’ cast
Anyway, mapapanood na ang “Sins of the Father” simula June 23 sa Kapamilya channel, A2Z, TV5, Iwant, TFC at Kapamilya online live handog ng JRB Creative Productions headed by Julie Anne R. Benitez for ABS-CBN.
Sina FM Reyes at Bjoy Balagtas ang direktor ng serye at ang mga dumalo sa mediacons ay sina Gerald Anderson, Jessy, Shaina Magdayao, Lotlot de Leon, JC de Vera, Francine Diaz, Seth Fedelin, Tirso Cruz lll, Jerald Napoles, Jeremiah Lisbo, LA Santos, Joshua
Eliason, at John Arcilla. Hindi naman nakadalo sina Nico Antonio, Joko Diaz, Soliman Cruz at maraming iba pa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.