Diana Mackey at Kiefer Ravena (Photos from Instagram)
NAGPALITAN na ng “I do” ang professional basketball player na si Kiefer Ravena at dating “Pinoy Big Brother” housemate na si Diana Mackey.
Naganap ang wedding ng celebrity couple kahapon, June 11, sa St. Michael the Archangel Parish sa Bonifacio Global City, Taguig.
Base sa mga litrato at video na nakita namin sa social media, present sa kasal nina Kiefer at Diana ang kanilang respective families at ilang malalapit na kaibigan in and out of showbiz.
Sa Instagram, makikita ang post ng makeup artist na si Drew Galleguez kung saan bumandera ang nakapakagandang bride na may caption na, “Prep. Look for My Bride Today @dianacmackey.”
Ilan sa naging part ng bridal squad ni Diana ay ang mga kapwa niya beauty queen na sina MJ Lastimosa, Gazini Ganados, Karen Laurrie Mendoza, Julia Navarro, Jasmine Dimaculangan, Sienna Perez at Francesca Taruc.
Part din ng entourage ang sister ni Kiefer na si Dani Ravena, at ang BFF ni Diana at ka-batch niya sa “PBB” na si Franki Russell.
View this post on Instagram
Sa part naman ng groom, nakasama sa entourage ang mga kapwa niya athlete na sina Luigi Altamirano, Luigi Pumaren, Marky Mercado, Rhenz Abando, Anton Asistio, Baser Amer, Paolo Darroca, at Justin Aquino.
Nagsilbi namang best man ang kapatid at atleta ring si Thirdy Ravena.
Kamakailan lamang ay ibinahagi nina Diana at Kiefer sa publiko ang kanilang pre-nuptial photos at noong March naman ay ibinandera nila na magkakaroon na sila ng baby.
Post ni Kiefer sa kanyang Instagram account, “MARCHing together in this beautiful journey with @dianacmackey.
“You are Amazing and You are destined to be a Super Mommy. We can’t wait to see you Litol One. With your Guidance, Lord #SneakerBaby #TheRavenas.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.