Zeinab Harake, Bobby Ray Parks ipinasilip loving-loving sa bathtub

Zeinab Harake at Bobby Ray Parks

“NAISKANDALO” ang mga netizen sa ipinost ni Zeinab Harake sa social media kung saan makikita silang naliligo ng asawang si Bobby Ray Parks, Jr. sa bathtub.

Pinagpiyestahan ng madlang pipol ang mga litratong ipinost ng sexy content creator sa Facebook na tila kuha sa kanilang “honeymoon”.

Makikita sa pictures si Zeinab at ang asawang Filipino-American basketball player habang magkasamang nakalubog sa bathtub. Kita sa litrato si Bobby pero legs lang ng vlogger ang kanyang ipinasilip.

Sa caption, binati ni Zeinab ng “Father’s Day” si Bobby Ray na inilarawan niyang “pinaka-green flag” na asawa.

“Happy father’s day sa pinaka green flag kong asawa. we love you so so much.

“First father’s day na hindi na ako yung binabati dahil meron na kaming ikaw,” sabi pa ng content creator at aktres sa kanyang FB post.

Narito naman ang mga nakakatuwang reaksyon ng netizens sa “bathtub scene” ng mag-asawa.

“Pwede ba tu gawin sa batya?”

“New wishlist: bathtub.”

“Wow hanip na position kawawa ang butttubbb Hehehe sir ray and zeinab.”

“Natalo na nman kami kasi wala kami bathtub , drum at bathya lang.”

“Saving for that bathtub, I deserve it”

“Grabehan na talaga ‘to Zeinab hahaha.”

“No bathtub left the group.”

“Marami na dito mag papa gawa nang bathtub  sa bahay.. Khit gawa lang sa kawayan ang bahay. Importante My bathtub.”

Nauna rito, sa kanilang YouTube channel, ibinahagi nina Zeinab at Bobby Ray ang halos isang oras na video na naglalaman ng ilang highlights sa kanilang wedding.

Ayon kay Zeinab, nagpapasalamat siya sa kanyang groom dahil ito raw ang tumulong sa muling pagkakabuo ng nawasak niyang puso.

“When we first met, I was not looking for love, I was running away from it. But you were so kind and gentle that I felt my heart slowly opening up to you,” saad ng vlogger.

Sabi naman ng basketball player, “She’s just a loving person. She’s always smiling and happy. She may have those rough days, rough patches, but at the end of the day, I always tell her that I fell in love with her heart.”

Mensahe pa ni Zeinab sa wedding vow niya sa asawa, “I will choose you every day, even on the days when it’s hard, lalo na kapag magkalayo tayo.

“Palagi kitang aantayin hanggang makauwi ka sa amin. I know LDR (long distance relationship) is hard but not having you in my life is harder. I will not hinder you but inspire you and encourage you as the head of our household,” pagbabahagi pa ni Zeinab.

Sabi naman ni Bobby Ray, ipinapangako niya sa kanyang misis ang deserve nitong “unconditional love” pati na rin sa mga anak nitong sina Zebbiana at Lucas.

“To my son and daughter, I promise to be the best daddy I could be, who would love and protect y’all. But most importantly who will raise both of you to be God-fearing children,” sabi ng cager.

Sagot naman sa kanya ni Zeinab, “Bia, Lucas, and I are blessed to have you, for loving and taking care of us. We promise to cheer you in every game and love you as your lifetime family.”