Kim Kardashian handa nang mag-bar exam, natapos ang law school after 6 yrs

PHOTO: Facebook/Kim Kardashian

MUKHANG malapit nang matupad ni Kim Kardashian ang kanyang pangarap na maging isang abogado, katulad ng kanyang ama!

Matapos kasi ang anim na taon, opisyal nang nakumpleto ni Kim ang kanyang legal apprenticeship sa kanyang law school.

Ang ibig sabihin niyan, pwede na siyang kumuha ng California bar exam.

Sa pamamagitan ng Instagram Story, proud na ibinandera ng sikat na American social media star ang kanyang picture na nakasuot ng graduation cap, habang isinasagawa ang isang private ceremony sa Beverly Hills Hotel.

Baka Bet Mo: Alex Gonzaga ikinumpara kay Kim Kardashian; bigla raw lumobo ang boobs, pa-earthworm na ang bewang at tiyan

Sa isang video, lubos ang papuri ni Jessica Jackson, isang abogado na naging mentor ni Kim sa programa.

Ang paglalarawan pa nga niya sa TV personality, “One of the most inspiring legal journeys we’ve ever seen.”

Chika niya, “Six years ago, Kim Kardashian walked into this program with nothing but a fierce desire to fight for justice.”

“No law school lectures, no ivory tower shortcuts, just determination. And a mountain of case law books to read,” sey ng abogado.

Para sa kaalaman ng marami, pwedeng mag-abogasya sa California sa ilalim ng gabay ng isang abogado o hukom bilang alternatibo sa traditional law school.

Kung makapasa si Kim sa state bar exam, magiging lisensyadong abogado na siya.

Ayon pa kay Jessica, “18 hours a week, 48 weeks a year for six straight years” ang inilaan ni Kim para sa nasabing alternative program.

Sa mga nakaraang taon, si Kim ay nanatiling criminal justice reform advocate.

Isa lamang sa mga nagawa niya ay ‘yung napakiusapan niya si President Donald Trump na palayain si Alice Marie Johnson, isang lola na nakakulong habang buhay nang walang parole dahil sa drug offenses.

At alam niyo ba, ang yumaong ama ni Kim na si Robert Kardashian ay isang abogado rin na kliyente si O.J. Simpson.