Jackie Lou Blanco sa pagpanaw ni Ricky Davao: Lumaban talaga siya!

DUROG na durog ang puso ni Jackie Lou Blanco pati na ng kanyang mga anak sa pagpanaw ng dalawang miyembro ng kanilang pamilya sa loob lamang ng halos kalahating buwan.

Naunang namaalam ang Asia’s Queen of Songs na si Pilita Corrales, ang nanay ni Jackie Lou, at sinundan nga ng pagpanaw ng dati niyang asawa at ama ng tatlo niyang anak an si Ricky Davao.

Ayon sa aktres, hanggang ngayon ay hindi pa rin siya makapaniwala na magkasunod na nawala ang dalawa sa mga taong napakahalaga sa buhay nilang mag-iina.

“It’s been really very hard. It’s difficult because you know when you grieve, your grieving is not finished after you’ve put them in their final resting place.

Baka Bet Mo: Jackie Lou Blanco nanghinayang nga ba sa paghihiwalay nila ni Ricky Davao?

“So, we’re still grieving for my mom and now we’re grieving for Ricky. It is difficult. It’s just hard,” ang pahayag ni Jackie Lou sa panayam ng media sa Malacañang.

Ginawaran ni Pangulong Bongbong Marcos si Pilita Corrales ng Presidential Medal of Merit, ang pinakamataas na parangal na ibinibigay ng Palasyo sa mga civilian.

Pahayag ni Jackie Lou tungkol sa pagkamatay ng dati niyang husband, “Although Ricky has been sick for the last couple of months, he really fought a good fight.

“It’s particularly hard for my children because they lost their dad and their mamita at the same time,” aniya pa.

Ang palagi raw niyang paalala ngayon sa kanyang mga anak sa pagpanaw nina Ricky at Pilita, ay ang pagbutihin ang kanilang trabaho at maging mabuti sa lahat ng tao.

“Kung anuman yung mga tinuro nila sa amin, that’s what we will try to share to other people.

“We are just trying to draw strength from each other and we are praying for God’s strength that we are able to go through this together,” saad ng veteran actress.

Patuloy ang pagdalaw ng mga kapamilya at mga kaibigan in and out of showbiz sa burol ni Ricky Davao sa Heritage Park sa Taguig City na nagsimula kahapon, May 4, at matatapos hanggang May 6.