Dominic Roque tinawag na ‘the one’ si Sue Ramirez: Sobrang sarap ka-bonding
Dominic Roque at Sue Ramirez
IPINAGDARASAL at umaasa ang social media influencer at dating aktor na si Dominic Roque na si Sue Ramirez na nga ang kanyang “the one” at “forever.”
Feeling ng ex-boyfriend ni Bea Alonzo, pangmatagalan na ang kung anumang merong namamagitan sa kanila ngayon ng Kapamilya actress-singer.
“I see it long-term. You know what, now that we enjoy our time together, and no pressure, no anything na alam mo yun outside basta we enjoy our time together.
“We plan things together for the future also,” ang pahayag ni Dominic sa panayam ng media para sa bago niyang endorsement.
Tulad din ng nasabi ni Sue sa panayam ng BANDERA, ine-enjoy lang nila ngayon ang kanilang relasyon. Pareho lang daw silang “chill-chill” lang pagdating sa lahat ng bagay.
“Anyone naman gusto maging the one yung idi-date mo or yung kinakasama mo or yung partner mo. So I think, yes,” ang diretsahang sagot ni Dom nang tanungin tungkol sa kanila ni Sue.
Pagpapatuloy pa niya, “What do I like about her? Of course, nakikita naman natin how she is. Di ba, sobrang…what you see is what you get. Sobrang kulit nu’n. Sobrang sarap ka-bonding.
View this post on Instagram
“Hindi lang ako, kundi my friends, my family na nakakasama niya and enjoy lang kami together. And we’re happy,” aniya pa.
“Yung partner ko, si Sue na kasama ko lagi when watching lately. So kami laging tandem when watching may mga bagong series or movies na available,” chika pa ng binata.
Isa raw sa talagang pinanood nila together ay ang hit K-Drama na “When Life Gives You Tangerines” na pinagbibidahan nina IU at Park Bo-gum.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.