Jackie Lou Blanco nagluluksa sa pagkamatay ni Ricky Davao
NAGLULUKSA ang beteranang aktres na si Jackie Lou Blanco sa pagkamatay ng dating asawa na si Ricky Davao.
Sa kanyang Instagram story ay ibinahagi niya ang larawan na in-upload ng kanilang anak na si Ara Davao.
Makikita sa ibinahagi ni Jackie Lou ang larawan ni Ricky kasama ang namayapa rin niyang ina kamakailan na si Pilita Corrales.
“Our angels.
Baka Bet Mo: Jackie Lou, Monching sa fans ni Pilita Corrales: ‘A million thanks sa lahat!’
View this post on Instagram
“I know you are singing in heaven. You will forever be missed. I love you,” saad ni Jackie Lou.
Ikinasal ang dalawa noong 1989 at nagkaroon ng tatlong anak— sina Kenneth, Rikki Mae, at Ara.
Matapos ang ilang taong pagsasama ay nagdesisyon rin silang maghiwalay.
Sa naging interview ni Jackie Lou sa “Fast Talk with Boy Abunda” noong June 2023 ay inamin niyang may pagsisisi siya sa paghihiwalay nila ni Ricky.
“Kung meron akong babaguhin, sana hindi kami naghiwalay ni Ricky — kung mababago ko siya.
“Only because I can see how affected my children were. Although they are very understanding, pero you know they have been affected in many ways. So sana hindi na lang para hindi sila naapektuhan in those ways,” lahad ni Jackie Lou.
Pumanaw si Ricky dahil sa naging komplikasyon ng kanyang sakit na cancer.
Ang malungkot na balita ay kinumpirma ng anak nila ni Jackie Lou na si Ara noong Biyernes ng gabi, May 2.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.