PrideMonth2025: Sharon, Lea, K Brosas, Melanie tanggap agad anak na LGBTQ

MASWERTE ang mga miyembro ng LGBTQIA+ community na tinanggap agad-agad ng kanilang mga magulang nang buong puso’t kaluluwa.

Hindi naman lingid sa kaalaman ng lahat na may mga bading at lesbian na hindi pa rin matanggap ng kanilang pamilya dahil feeling nila, kasalanan daw ito sa Diyos at isang matinding kahihiyan.

Ito rin ang isa mga sinasabing major-major reason kung bakit marami pa rin ang natatakot at nagdadalawang-isip na mag-come out sa kanilang tunay na gender identity.

Sa muling pagse-celebrate ng Pride Month sa buong universe, naglista ang BANDERA ng mga kilalang celebrities sa Pilipinas na proud na proud sa kanilang mga anak na umaming kabilang din sila sa LGBTQIA+ community.

K BROSAS

BAGO pa man umamin kay K Brosas ang anak na si Crystal bilang lesbian, inunahan na niya itong tanungin.

“Ako pa ang nagsabi sa kanya kasi nakarating na sa akin, ‘yung anak mo tomboy pala.’ Ayoko nang lumaki. So, inunahan ko na siya. Sabi ko, ‘Anak alam ko na.’ Iyak lang siya nang iyak. Sabi ko ‘Kahit halamang dagat ka pa tatanggapin kita,'” pahayag ni K.

“Matagal ko nang alam. Alam ko na high school pa lang, nakakaramdam na ko. Pero siyempre kwento nila ’yan eh, dapat sila ang magkwento,” sabi pa ng TV host-comedienne.

Dagdag pa niya, “Ang sexual preference ng anak ko, walang kinalaman sa pagmamahal ko sa kanya.”

MELANIE MARQUEZ

Wala naman daw masyadong reaksyon ang aktres at Miss International 1979 nang mag-come out ang anak na si Michelle Dee as bisexual.

“Wala naman, ano. Sa akin kasi, I always believe that where my children be happy, siyempre, alam naman nila ‘yung right and wrong. So, when it comes to their choices in life, I just let them know the consequences of what will happen.

“So, the rest will be your choices, ganu’n ang respeto kong binibigay sa mga anak ko. Hindi ako diktadora eh. Disciplinarian ako pero hindi ako diktadora so, kaya I get along with my children,” aniya pa.

“I’m very strict when it comes to education kasi ‘yan lang ang pwedeng mana na maiiwan ko sa mga anak ko, ‘yung dunong, ‘yung katalinuhan, at tsaka ‘yung magandang values.

“Values na dapat maging ano ka, down to earth, you know, you have to be kind to other people, give respect. If you respect yourself, of course, you want to be respected, then respect other people.”

DOLLY ANNE CARVAJAL

Kung may isang nanay mula sa entertainment industry na masasabing super chilax mom, yan ay walang iba kundi si Dolly Anna Carvajal.

In fairness, proud na proud din ang veteran showbiz columnist at host sa anak niyang si IC na dating child star. Very supportive rin siya sa career at lovelife ni IC.

Kung magpapakasal nga raw si IC sa dyowa nitong medical student na si Rick Tropicales ay ibibigay daw niya agad ang kanyang blessing.

“Ako pa, kunsintidorang ina? No need for pre-nuptial agreement. Kapag na-in love, dapat full emotional and financial investment. I’m super happy for him and Rick. Vicarious thrill na lang ako sa kanila since quotang-quota na ako sa love life,” pahayag ni Dolly Anne sa isang panayam.

LEA SALONGA

Ni-reveal ng anak ni Lea Salonga kay Robert Chie na si Nic na isang magazine interview na isa siyang “transmasculine” sa edad na 14. Nag-start siyang mag-take ng testosterone ilang buwan na ngayon ang nakararaan.

Ayon sa transgender man, tinanggap siya agad ng mga magulang, “I am still figuring it out. It took a while. A lot of crying.

“She (Lea) just didn’t want my life to be as hard as it would be,” saad pa ni Nic.

Sabi naman ng Broadway star tungkol sa pag-accept niya sa anak, “You have to raise your child the way your child needs to be raised.

“As a parent, I want to set my child up for success. I want my child to feel safe and strong and ready to conquer the world on their own terms. You have to meet your kid where they are,” pahayag ni Lea.

SHARON CUNETA

Suportado nina Mega at Kiko ang gender identity ng anak nilang si Miel Pangilinan na nagsabing, “I don’t really have a specific label, but the one thing that I feel more aligned with is parang ‘pansexual’.”

“My attraction is not just limited to gender, or gender identity or presentation. Anybody talaga,” aniya.

Sa post ni Sharon sa Facebook, ibinandera niya ang kanyang unconditional love and support para kay Miel, “What matters in a person is their goodness. Sincerity, pureness of heart. Faith in God. In Miel, I have all those. I am proud of my girl and always will be. Needless to say, she will always have my support and love. No big deal. I love you, my Yellie.”

Sey naman ni Kiko, “I love you my Yellie Bellie [heart emojis]! Mama and I will always be there for you. Always. For certain. Forever. No matter what. Period. No more comma. The end of the paragraph. Amen.”