Nadia at Baron bati na; anak nila nasa poder ngayon ng aktor, papasok na sa kolehiyo

Nadia Montenegro with Sophia, Baron Geisler

NASA poder pala ngayon ni Baron Geisler ang anak niyang si Sophia Asistio kay Nadia Montenegro, base ito sa kwento ng huli kay Karen Davila.

Sa latest vlog ni Karen na uploaded na sa YouTube channel ay ang magkapatid na Tanya at Nadia Montenegro ang kanyang guest at ginanap ito sa Cocina Estefania Restaurant sa BF Homes, Paranaque City na pag-aari ng una.

Tungkol sa mga naging karelasyon nila sa buhay ang isa sa napag-usapan nina Karen, Tanya at Nadia at nasambit ng huli na okay na sila ni Baron. 

Pero bago ito ikinwento ni Nadia ay inamin ni Tanya na hindi niya gusto si Baron.

Baka Bet Mo: Anak ni Nadia na-bully sa school dahil kay Baron: ‘Kaninong tatay ito!?’

“Titiisin ko siya (Nadia) kapag nagme-message siya tungkol kay Baron, ‘sabi ko, ah bahala ka (hindi sinasagot).’ Kasi ganu’n ako kagalit hindi sa kanya kundi kay Baron tsaka do’n sa situation,” esplika ni Tanya.

Dagdag pa, “I stayed mad at Baron for a long, long time kasi nga ang dami rin kasi niyang (Nadia) iniyak, ang dami rin kasing nangyari within the ano, but tama nga ang sinabi niya as you age, we mellow down ganyan plus the situation now with Sophia.  Baron reached out din naman sa akin, so who am I naman not to give him this chance, ‘di ba?  Sabi ko lang (kay Baron), ‘please, just be good ayusin mo lang ‘yung sarili mo.”

 Tanong ni Karen kay Nadia, “Children are blessings but did you regret being with Baron?”

“I never regretted being with Baron but I regretted the situation he was in at that time, how I was that he was sober maybe we can handled things differently.

“But Karen we’ve both talked about this na, actually these last few months had been very good for us. Actually, Sophia’s with him since February and fixing na the school for college, they’re gonna enroll soon together. Things working out naman,” chika ni Nadia.

May nagkwento rin sa amin na nakikitang kasa-kasama ni Baron ang dalagang anak sa mga lakad nito tulad ng script reading at iba pa. 

Marahil ay ipinakikita ng “Incognito” actor kung ano ang takbo ng trabaho niya sa showbiz.

In fairness, sunud-sunod ang trabaho ni Baron dahil bukod sa nasabing serye ay may pelikula siyang ginagawa at never naman talaga siyang nabakante kaya rin siguro nagsisipag ay dahil magko-kolehiyo na ang anak niya kay Nadia.