Bella Poarch lumuwas ng Pinas after 14 years, nagpa-surgery dahil sa ‘kuliti’
PHOTO: Instagram/@bellapoarch
MAKALIPAS ang mahigit isang dekada, bumalik sa Pilipinas ang sikat na social media star na si Bella Poarch!
Pero bago mag-enjoy at mamasyal, ibinunyag ni Bella na dumiretso muna siya sa ospital matapos ang 14-hour flight mula Los Angeles.
Kinailangan daw kasi niyang ipatanggal ang kuliti sa isang mata, lalo na’t magkakaroon siya ng photoshoot.
“I flew to the Philippines and got eye surgery. I don’t know why but every single time I travel, sh*t always happens,” sey niya sa isang TikTok video na ipinapakita ang pagdating sa ating bansa.
Baka Bet Mo: Bella Poarch balak umuwi ng Pilipinas, inaming crush si Joshua Garcia
Wika pa niya, “It’s been 14 years since I’ve been back to the Philippines and there’s no way I’m gonna cancel over a stye.”
Matapos ang operasyon, mapapanood na tuloy-tuloy na rin siyang lumipad papuntang Bohol kahit may benda pa ang isang mata dahil sa ginawang operasyon.
“My surgery went so smooth and I’m so grateful for the Filipino nurses and doctors that took care of me,” mensahe niya sa video.
Hindi naman nagtagal ay tinanggal din niya ang bandage sa mata at ipinakita na mabilis na gumaling ang pina-surgery.
“No bruise, no swelling. Now, I’m ready for Philippines,” masaya niyang sabi.
@bellapoarch #philippines ♬ original sound – Bella Poarch
Sa post naman niya sa Instagram, ibinandera niyang enjoy na enjoy siya sa naging boat ride sa Bohol.
View this post on Instagram
Magugunitang sumikat si Bella dahil sa mga trending lip sync videos niya sa TikTok.
Nakilala pa siya lalo matapos sumabak sa music industry at ilabas ang hit songs na “Build a B*tch” at “Inferno.”
As of this writing, umaabot sa 94 million ang followers niya sa TikTok.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.