Bilang ng mga may trabaho na Filipino bumaba noong Marso
HIGIT isang milyong Filipino ang nawalan ng trabaho noong nakaraang Marso, ayon sa Philippine Statistics Authority (PSA).
Ayon kay National Chief Statistician Dennis Mapa base sa March Labor Force Survey patuloy na nabawasan ang bilang ng mga may trabaho sa sektor ng agrikultura.
Nakapag-ambag din ang pagpapatupad ng “election ban” o ang pagbabawal sa mga ahensya ng gobyerno na kumuha ng mga bago o karagdagang kawani.
Baka Bet Mo: Janine balik-trabaho na matapos pumanaw ang 2 lola: ‘It’s difficult, unbelievable’
View this post on Instagram
Bunga nito, umakyat sa 3.9% ang unemployment rate sa bansa noong Marso mula sa 3.8% noong Pebrero.
Paliwanag naman niya ang kabawasan sa mga may trabaho na 1.13 milyon ay mula sa 49.15 milyon sa katulad na panahon noong 2024.
Noong Marso, 48.02 milyong Filipino, na nasa edad 15 pataas, ang may hanapbuhay.
Samantala, ikakasa ng gobyerno ang Trabaho Para sa Bayan (TPB) program upang mabago ang kalidad ng mga trabaho sa bansa at matugunan ang mga karaniwang isyu sa sektor ng paggawa.
Ito ang pahayag ng Department of Economy, Planning and Development kasunod nang pagpapalabas ng resulta ng Labor Force Survey.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.