Sharon Cuneta nanghinayang na hindi nakasama si Nora Aunor sa pelikula
Sharon Cuneta at Nora Aunor
MAHIGPIT ang yakap ni Megastar Sharon Cuneta kina Lotlot de Leon at Ian de Leon nang bumisita kagabi, April 20, sa burol ng nag-iisang Superstar na si Nora Aunor.
Kasama ni Sharon ang asawang si Kiko Pangilinan nang dumating sa Heritage Park sa Taguig City kung saan nakaburol si Ate Guy at dire-diretso ngang nilapitan at yumakap sa magkapatid na Ian at Lotlot.
Sinilip ng mag-asawang Shawie at Kiko ang labi ng National Artist habang kinakausap ang mga anak ni Nora. Tumagal nang mahigit isang oras ang pagdalaw ng celebrity couple sa burol.
Nag-stay din kasi sila para sa maikling programa na in-organize ng actress-director na si Gina Alajar kasama ang kanyang mga kaibigan mula sa kanilang simbahan.
Nanghihinayang si Sharon na hindi sila nabigyan ng pagkakataon na magkatrabaho ni Ate Guy na matagal na niyang pinapangarap.
“I think it’s everyone’s dream na makasama ang ‘the greats’ and she’s certainly one of those. It’s an end of a golden era in the industry.
“Kasi nag-iisa lang talaga si Ate Guy. The original and one and only superstar. Lahat kami, gusto namin maging katulad niya,” ang pahayag ni Mega sa panayam ng ABS-CBN.
View this post on Instagram
“Isa siyang malaking kawalan, national treasure siya. Yung istorya niya, mula sa pagbebenta ng tubig sa tabi ng riles ng tren sa Bicol region hanggang sa maging superstar siya. Talagang inspirasyon sa maraming tao,” sey naman ni Kiko.
Dagdag na sabi pa ni Ate Shawie, “Natutuwa ako na she became a national artist habang she had time to enjoy the honor. And she was so deserving of it. It’s a very big loss to the industry.”
Nauna rito, nag-post din si Sharon sa Instagram ng kanyang pa-tribute kay Ate Guy nang mabalitaang pumanaw na nga ang Superstar.
Saad ni Mega, “Still so unbelievable…The Superstar has left us…Your legacy shall continue to inspire even generations to come.
“Thank you, Ate Guy, for sharing your life and immense talents with us all. May you rest in peace in God our Father’s arms. Our National Artist.
“Our Superstar. Showbiz will never be the same without you. Our deepest condolences to all of Miss Nora Aunor’s family and friends and millions of fans.”
Sumakabilang-buhay si Ate Guy nitong Miyerkules Santo sa edad na 71 dahil sa acute respiratory failure.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.